ان مر دربك للحسا ياهلا فيك

ان مر دربك للحسا ياهـلا فيـك
سم وتفضل كـل همـن يطوفـك
تلقى البيوت مفتحه لـك وتدعيـك
حياك قلبي قبـل عينـي تشوفـك
بتحس نفسك بين ربعك واهاليـك
همك يزول وينجلي كـل خوفـك
بيتك وصلته يا عسى الله يحييـك
الدار دارك واحنا فيهـا ضيوفـك
الديره اللي كلهـا خيـر تبغيـك
ترجع لهـا لالا تـردك ظروفـك
الديره اللي فيضهـا علـم يغنيـك
مايهمها شهادتـن وسـط جوفـك
الديره اللي عزت احقر صعاليـك
بس الردي ينكر لا تكثر حسوفـك
اصل الردي لو تكرمه دون تشكيك
ذمك وذم المرجله في وصوفـك
دامك نويت تمشي باطلب ووصيك
بالليل بعد الوتـر ترفـع كفوفـك