تعال,,طلبتك وشلون ابحيا لو تركتني

انا وش حاجتي في القلب لا منـك تركتنـي....

خذ قلبي وخليني بأعيش العمر مـن دونـه

اذا انت كل ماغبت عن عيونـي وحشتنـي....

أجل وشلون لا طال الفـراق وخيـم سكونـه

جرحتك ألف مره وأتضايـق لـو جرحتنــي....

وش اللي في يديني والمشاعر غصب مسجونه

ماهـو ذنبـك ولا ذنبـي ولكنـك عرفتنـــي...

أحبك حب مافي الكـون لا شكلـه ولا لونـه

حياتي صدقني لو ما أحـس انـك فهمتنـي...

لاقول ان الهـوى كـذاب والأيـام مجنونـه

مادام انك على وضـح النقـا لهفـه قريتنـي...

انا اللي ماقريتك غير صدق تـورق غصونـه

انا لايمكن انسـى يـوم جيتنـي وأخذتنـي...

من احزاني ودمعاتي وقلـب تكثـر طعونـه

وانا لايمكن انسـى يـوم بيدينـك حضنتنـي...

وناديتك(هلا)يـا سلـوة المشتـاق وعيـونـه

وانا لايمكن انسـى يـوم بدموعـك بكيتنـي...

وحسيت بمشاعر صادقه في القلـب مدفونـه

وانا لايمكن انسـى يـوم زليـت وعذرتنـي

وحسيت بشعور زلـزل الوجـدان وركونـه

تعال طلبتك وشلـون ابحيـا لـو تركتنـي...

خذني دام قلبي صعب أعيش العمر من دونه



مما راق لي


دمتم بخير